ერთიანმა ნაციონალურმა მოძრაობამ და სტრატეგია აღმაშენებელმა დააფუძნეს ახალია პოლიტიკური პლატფორმა — ერთიანობა საქართველოს გადარჩენისთვის.

"ჩვენი ერთადერთი მიზანია გადავარჩინოთ ქვეყნის ევროპული მომავალი და ამით, ჩვენი ქვეყნის სახელმწიფოებრიობა. ჩვენი ვალია, გვერდზე გადავდოთ ყველა განსხვავება და გავერთიანდეთ ამ საერთო უზენაესი მიზნის ირგვლივ", — თქვა თინა ბოკუჩავამ, ენმ-ს თავმჯდომარემ, პარტიის ყრილობაზე სიტყვით გამოსვლისას.

გაერთიანებას შეუერთდნენ ახალი წევრებიც:

  • გია ჯაფარიძე — დიპლომატი;
  • ლაშა ბაქრაძე — ისტორიკოსი;
  • ანა მოსაშვილი — სამოქალაქო აქტივისტი;
  • თამარ კორძაია — დამოუკიდებელი დეპუტატი;
  • ლაშა დიაროვი — სამოქალაქო აქტივისტი.

"საქართველო დღეს ისტორიულ გზაჯვარედინზე იმყოფება. ჩვენ ან გადავრჩებით, ან დავკარგავთ თავისუფლებას, დამოუკიდებლობას და სუვერენიტეტს. მგონია, რომ დღეს ალტერნატივა არ აქვს ერთიანობას. აქედან მინდა მოვუწოდო ყველას: სამოქალაქო საზოგადოებას, ახალგაზრდობას, პოლიტიკურ პარტიებს, ახლა არის დრო ერთიანობის. ამ ისტორიულ გზაგასაყარზე ჩვენ ერთიანობა გადაგვარჩენს", — განაცხადა გია ჯაფარიძემ.