მოკლედ: დღეს, 11 ივნისს, საქართველოს პარლამენტის პლენარული სხდომა, რომელიც 12:00 საათზე იყო ჩანიშნული, კვორუმის არარსებობის გამო ვერ დაიწყო.

დეტალები: რეგისტრაცია დეპუტატებმა ორჯერ გაიარეს, თუმცა, კვორუმი არ შედგა.

  • პირველ ჯერზე რეგისტრაცია გაიარა 71-მა დეპუტატმა, ხოლო მეორედ — 73-მა.
  • იმისთვის, რომ პლენარული სხდომა უფლებამოსილი იყოს, რეგისტრაცია უნდა გაიაროს 76-მა დეპუტატმა.

ტელეკომპანია პირველის ინფორმაციით, ოპოზიციიდან სხდომას ესწრებოდნენ პარტია გირჩის დეპუტატები და ასევე, თეონა აქუბარდია და ტარიელ ნაკაიძე. მათ რეგისტრაცია არ გაიარეს.

  • ასევე, ქართული ოცნებიდან სხდომას არ ესწრებოდნენ ვიქტორ ჯაფარიძე, დავით სონღულაშვილი, გიორგი სოსიაშვილი, სალომე ქურასბედიანი, გიორგი ბარვენაშვილი, კახა კახიშვილი, დიმიტრი სამხარაძე.

კონტექსტი: მას შემდეგ, რაც ქართულმა ოცნებამ, მესამე მოსმენით რუსული კანონი მიიღო, ოპოზიციურმა პარტიებმა და დეპუტატებმა პარლამენტს და საკრებულოებს ბოიკოტი გამოუცხადეს.

  • ბოიკოტის რეჟიმში არიან და აღარ მიიღებენ მონაწილეობას საპარლამენტო საქმიანობაში პარტია ლელო, ერთიანი ნაციონალური მოძრაობა, მოქალაქეები და დამოუკიდებელი დეპუტატი სალომე სამადაშვილი.

გაიგე მეტი: პარტია ლელომ და გირჩი — მეტი თავისუფლებამ, თბილისის საკრებულოს სხდომებს ბოიკოტი გამოუცხადეს