ხვალ რომ თბილისის მერის არჩევნები ტარდებოდეს, NDI-ის გამოკითხვიდან, მთლიანი მოსახლეობიდან, ხმების 30 პროცენტს ქართული ოცნების კანდიდატი კახა კალაძე მიიღებდა, 19 პროცენტს კი ალეკო ელისაშვილი, 18%-ს ერთიანი ნაციონალური მოძრაობის კანდიდატი, ზაალ უდუმაშვილი, ხოლო ევროპული საქართველოს წევრი ელენე ხოშტარია – 5 პროცენტს.

უშუალოდ იმ გამოკითხულთა პროცენტული გადანაწილება, ვინც ამბობს, რომ არჩევნებში სავარაუდოდ მიიღებს მონაწილეობას ასეთია:

  • კახა კალაძე 37%;
  • ალეკო ელისაშვილი 22%;
  • ზაალ უდუმაშვილი 16%;
  • ელენე ხოშტარია 5%.

კვლევა დიდი ბრიტანეთის მთავრობის, UK aid-ის ფინანსური ხელშეწყობით ჩატარდა, გამოკითხვას კი CRRC-საქართველო ატარებდა. კვლევის საველე სამუშაოები 18 ივნისი-9 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით) შესრულდა. 2 261 პირი, პირისპირ ინტერვიუს სახით, წარმომადგენლობითი შერჩევით გამოიკითხა.