რა ხდება: რუსეთის პრეზიდენტი ვლადიმერ პუტინი მზად არის, შეაჩეროს ომი უკრაინაში, მოლაპარაკების გზით, თუ შეთანხმება ამჟამინდელი ფრონტის ხაზებს აღიარებს. ინფორმაციას როიტერსი ოთხ რუსულ წყაროზე დაყრდნობით ავრცელებს.

  • ამასთან, პუტინი მზად არის გააგრძელოს ბრძოლა, თუ ამაზე კიევი და დასავლეთი არ დათანხმებიან.

დეტალები: ოთხიდან სამმა წყარომ, რომლებისთვისაც პუტინის გარემოცვაში დისკუსიებია ცნობილი, თქვა, რომ რუსეთის პრეზიდენტი, ვიწრო წრეში უკმაყოფილებას გამოთქვამდა იმის გამო, რომ დასავლეთი მხარს უჭერს ვოლოდიმირ ზელენსკის მიერ მოლაპარაკებების გამორიცხვას.

  • "პუტინს შეუძლია იბრძოლოს იმდენ ხანს, რამდენიც დასჭირდება, მაგრამ ის, ასევე, მზად არის ცეცხლის შეწყვეტისთვის, ომის გასაყინად“, — თქვა ერთმა წყარომ, რუსმა მაღალჩინოსანმა, რომელიც მუშაობდა პუტინთან და იცის კრემლის ყველაზე ზედა დონის წრეებში საუბრების შესახებ.
  • პუტინის სპიკერმა დიმიტრი პესკოვმა ამ თემასთან დაკავშირებული კითხვის საპასუხოდ განაცხადა, რომ რუსეთის პრეზიდენტმა არაერთხელ აჩვენა, რომ "რუსეთი ღიაა დიალოგისთვის, თავისი მიზნების მისაღწევად და აღნიშნა, რომ ქვეყანას არ სურს "მარადიული ომი“.

უკრაინის საგარეო საქმეთა და თავდაცვის სამინისტროებმა კითხვებს არ უპასუხეს.