მოკლედ: ერთიანი ნაციონალური მოძრაობის თავმჯდომარე, ლევან ხაბეიშვილი, რომელიც რუსული კანონის საპროტესტო აქციაზე სცემეს, საქართველოს პროკურატურამ დაზარალებულად ცნო.

დეტალები: ენმ-ს ცნობით, ერეკლე ბენაშვილი, სპეციალური საგამოძიებო სამსახურის გამომძიებელი, პარტიის თავმჯდომარეს 23 დღის შემდეგ დაუკავშირდა და შეატყობინა, რომ პროკურორმა მის მიმართ გამოიტანა დადგენილება დაზარალებულად ცნობის თაობაზე.

მსგავსი: მოვიტანეთ ფოტო-ვიდეო მტკიცებულებები, როგორ იძალადეს ხაბეიშვილზე უშუალოდ ივანიშვილის დავალებით — ენმ პროკურატურასთან

კონტექსტი: 1-ელ მაისს, რუსული კანონის საპროტესტო აქციაზე, ლევან ხაბეიშვილი გაიტაცეს.

ხაბეიშვილი: ხარებას დაჯგუფება მცემდა. იძახდნენ, მოკალით და მერე თქვით, თავი დაარტყაო

  • გავრცელდა ფოტო, სადაც ჩანდა, რომ ლევან ხაბეიშვილი სასტიკად ნაცემი იყო.
  • ენმ წერდა, რომ დაკავების მომენტში, ხაბეიშვილი აქციაზე დაშავებულ მოქალაქეს ეხმარებოდა.

გაიგე მეტი: მძიმედ ნაცემი ლევან ხაბეიშვილი პარლამენტში მივიდა, სადაც რუსული კანონის განხილვა უნდა გაგრძელდეს — ის ეტლით გადაადგილდება

  • 7 მაისს, სპეციალურმა საგამოძიებო სამსახურმა განაცხადა, რომ სწავლობენ 2024 წლის აპრილსა და მაისში, პარლამენტსა და მთავრობის ადმინისტრაციის შენობებთან აქციის მონაწილეების მიმართ სამართალდამცავი ორგანოს თანამშრომლების მხრიდან განხორციელებულ შესაძლო კანონსაწინააღმდეგო ქმედებების ფაქტებს.
  • საგამოძიებოს თქმით, ლევან ხაბეიშვილთან "დაუყოვნებლივ განხორციელდა სატელეფონო კომუნიკაცია მისი გამოკითხვის მიზნით", თუმცა მან გამომძიებლის სატელეფონო ზარებსა და მოკლეტექსტურ შეტყობინებას არ უპასუხა.
  • ასევე, შინაგან საქმეთა სამინისტროში გაიგზავნა წერილი ლევან ხაბეიშვილთან შემხებლობაში მყოფი სამართალდამცავთა ვინაობის თაობაზე.

ასევე, ნახეთ: როგორ იძიებს საგამოძიებო სამსახური ხაბეიშვილის ცემისა და სამართალდამცავთა შესაძლო კანონდარღვევის ფაქტებს აქციებისას — განცხადება