მოკლედ: შინაგან საქმეთა სამინისტროს ინფორმაციით, მთელი ქვეყნის მასშტაბით, ნარკოდანაშაულისთვის 77 პირი დააკავა, მათგან 23 ნარკორეალიზატორია.

  • ამის შესახებ დღეს, 21 მაისს, განაცხადა თეიმურაზ კუპატაძემ, შინაგან საქმეთა სამინისტროს ცენტრალური კრიმინალური პოლიციის დეპარტამენტის დირექტორმა.

დეტალები: შსს-ს ცნობით, დაკავებულები არიან როგორც საქართველოს, ასევე, ირანის, თურქეთის, რუსეთის, ინდოეთის და ნიგერიის მოქალაქეები.

  • სამართალდამცავებმა ამოიღეს ბანანით დატვირთულ საზღვაო კონტეინერში ფარულად მოთავსებული 52 კილოგრამამდე ნარკოტიკული საშუალება "კოკაინი", რომელიც ეკვადორიდან ევროპაში ტრანზიტული გზით, საქართველოს გავლით გადაჰქონდათ.

შსს-მ აღმოაჩინა ერთ-ერთი მსხვილი ინტერნეტ ნარკოსარეალიზაციო მაღაზია, რომელიც ე.წ. შავი ბაზრის 50%-ზე მეტს ამარაგებდა.

  • ასევე, პოლიციამ დააკავა 61 წლის პირი, რომელიც ამ მაღაზიას მართავდა და განსაკუთრებით დიდი ოდენობით ნარკოტიკული საშუალების რეალიზაციას ახდენდა.
  • დაკავებული პირის პირადი და საცხოვრებელი ბინის ჩხრეკისას, სამართალდამცავებმა ამოიღეს 4 კილოგრამამდე ნარკოტიკული საშუალება "კოკაინი", 27 ათასი ცალი ნარკოტიკული საშუალება "ექსტაზის" აბები და 10 კილოგრამი ნარკოტიკული საშუალება "მდმა".

ბოლო ხაზი: გამოძიება საქართველოს სისხლის სამართლის კოდექსის 260-ე და 262-ე მუხლებით მიმდინარეობს.

  • დანაშაულები 20 წლამდე ან უვადო თავისუფლების აღკვეთას ითვალისწინებს.