მოკლედ: პარლამენტის გვერდითა შესასვლელთან, 9 აპრილის ქუჩაზე სიტუაცია დაიძაბა.

  • საპოლიციო ძალებმა ჭიშკართან მყოფი მომიტინგეების წინააღმდეგ ე.წ წიწაკის სპრეი, წყლის ჭავლი და ცრემლსადენი გაზი გამოიყენეს.
  • ადგილზე გადაღებულ კადრებში ჩანს, რომ სამართალდამცავები დემონსტრანტებს წყლის ჭავლს პარლამენტის ჭიშკრის შიდა მხრიდან ასხამენ.

ფოტო: მარიამ რამაზაშვილი / On.ge

  • ასევე, სპეცრაზმია განლაგებული თავისუფლების მოედანზეც.
  • ამის მიუხედავად, პარლამენტის შენობის წინ ხალხმრავალი საპროტესტო აქცია ისევ გრძელდება.

დეტალები: ერთი საათის წინ, შინაგან საქმეთა სამინისტრომ განაცხადა, რომ პარლამენტის მიმდებარე ტერიტორია სპეცრაზმმა და წყლის ჭავლმა დატოვა.

  • საკანონმდებლო ორგანო დატოვეს უმრავლესობის წევრებმა, რომლებმაც რუსულ კანონს დღეს მეორე მოსმენით დაუჭირეს მხარი.
  • აქციის მონაწილეებმა დღესაც სცადეს გამოსასვლელებთან დახვედროდნენ დეპუტატებს, თუმცა სამართალდამცველებმა შეძლეს პარლამენტის წევრებს შენობა დაბრკოლების გარეშე დაეტოვებინათ.