რა ხდება: პარლამენტის საგაზაფხულო სესიის პლენარულ სხდომაზე ხელისუფლების მიერ ინიციირებული და მხარდამჭერი რუსული, რეპრესიული კანონპროექტის განხილვა მიმდინარეობს.

  • სხდომაზე დილითვე მივიდა პარტია ერთიანი ნაციონალური მოძრაობის თავმჯდომარე ლევან ხაბეიშვილი, რომელსაც გუშინ სპეცრაზმის წარმომადგენლები ფიზიკურად გაუსწორდნენ.

ხაბეიშვილის თქმით, მას "ხარებას დაჯგუფებამ" სცემა. ამ მეტსახელით მოიხსენიებენ ზვიად ხარაზიშვილს, რომელიც შსს-ს განსაკუთრებულ დავალებათა დეპარტამენტის დირექტორია.

ხაბეიშვილი: "ხარებას დაჯგუფება მცემდა და მეუბნებოდნენ, რომ გრძელი ენა მაქვს და ხელისუფლებას ვაკრიტიკებ მუდმივად და იქნებ გავჩერდე.

  • იძახდნენ, მოკალით და მერე თქვით, თავი დაარტყაო. მეუბნებოდნენ, რომ მეთქვა "ჩმორი ვარ", და ამ შემთხვევაში, არ მცემდნენ.
  • ამაზე პასუხი როცა მიიღეს, კიდევ უფრო მეტი მომხვდა.
  • არა რუსულ კანონს, კი ევროპას!", — განაცხადა ერთიანი ნაციონალური მოძრაობის თავმჯდომარემ, ლევან ხაბეიშვილმა პლენარულ სესიაზე სიტყვით გამოსვლისას.

ამასთან, ხაბეიშვილმა ისაუბრა იმის შესახებაც, თუ რა უძღოდა წინ მის დაკავებას. ენმ-ის ლიდერის თქმით, ის სატელევიზიო კომენტარს აკეთებდა, როდესაც დაინახა, როგორ "ითრევდნენ ახალგაზრდა ბავშვს" ე.წ. რობოკოპები და მის დასახმარებლად გაეშურა.

  • სამთავრობო-პროპაგანდისტული იმედის ვიდეო

ბოლო ხაზი: მძიმედ ნაცემი ოპოზიციონერი დეპუტატი გუშინ ინგოროყვას კლინიკაში გადაიყვანეს. შსს-მ დღეს განაცხადა, რომ ლევან ხაბეიშვილმა დაზიანება მაშინ მიიღო, როდესაც პოლიციელებისთვის საქმიანობაში ხელის შეშლის მიზნით შეიჭრა პოლიციის კორდონში.