შინაგან საქმეთა სამინისტროს განცხადებით, მათ მიზანშეწონილად არ მიაჩნიათ საზოგადოებრივი მოძრაობის - ძალა ერთობაშია ინიციატივის განხორციელება, საოკუპაციო ხაზთან პერმანენტული პატრულირების შესახებ:

"ბუნებრივია, ჩვენ პატივს ვცემთ სიტყვისა და გამოხატვის თავისუფლებას და ამავდროულად, უფლებას ვიტოვებთ, ვიმოქმედოთ კანონის მოთხოვნათა შესაბამისად".

უწყება განმარტავს, რომ საოკუპაციო ზონა არის მაღალი რისკის არეალი, სადაც მსგავსი ტიპის გადაადგილება საფრთხის შემცველია.

მათივე ინფორმაციით, შსს-ს წარმომადგენლები შეხვდნენ საზოგადოებრივი მოძრაობის - ძალა ერთობაშია ინიციატორებსა და ორგანიზატორებს და განუმარტეს ის რისკები და გამოწვევები, რომლებიც მათ ინიციატივას უკავშირდება:

"საოკუპაციო ზოლთან ინტენსიურად მუშაობენ ევროკავშირის სადამკვირვებლო მისია და შსს-ს დანაყოფები, რომლებიც ხელს უწყობენ ადგილობრივი მოსახლეობის უსაფრთხო გარემოში ცხოვრებას და მონიტორინგის შესაბამისი ფუნქციებით არიან აღჭურვილნი".