საქართველოს ქალაქების დიდ ნაწილში, მათ შორის თბილისში, წვიმა კიდევ 2 დღეს გაგრძელდება. ამინდის პროგნოზის მიხედვით, 12 ივნისიდან გამოიდარებს და ტემპერატურაც მოიმატებს.

Accuweather-ის ინფორმაციით, ივნისის თვე დედაქალაქში 12 ივნისიდან თითქმის სულ მზიანი იქნება და ტემპერატურა 26-30 ცელსიუსის ფარგლებში იქნება.

თბილისისგან განსხვავებით, წვიმიანი ივნისი იქნება ბათუმში. სინოპტიკოსები აქ მზიან ამინდს 11-14 ივნისს პროგნოზირებენ, 15 ივნისიდან მომდევნო 10 დღის განმავლობაში ბათუმში წვიმაა მოსალოდნელი. ზღვისპირა ქალაქში მზიან ამინდებს ივნისის ბოლოდან ელოდებიან.

ივნისის ბოლომდე ქუთაისში, ძირითადად, ღრუბლიანი და წვიმიანი ამინდებია ნავარაუდევი, მზიანი ამინდები აქაც 25 ივნისიდან იქნება. ქუთაისის მსგავსად, მზიანი ამინდები ზუგდიდშიც 25 ივნისიდან უნდა იყოს.

რაც შეეხება აღმოსავლეთ საქართველოს, 12 ივნისიდან წვიმა ნაკლებადაა მოსალოდნელი და ძირითად ცხელი, მზიანი ამინდები იქნება.