მოკლედ: სპეციალური საგამოძიებო სამსახურის ინფორმაციით, მუქარის ფაქტზე, თავდაცვის სამინისტროს სამხედრო პოლიციის თანამშრომელი დააკავეს.

გამოძიების ვერსიით, 2024 წლის 23 თებერვალს, ბრალდებული, აზარტულ თამაშებში თანხის წაგების შემდეგ, სახლში დაბრუნდა, რა დროსაც ცოლთან უთანხმოება მოუვიდა და მას სიცოცხლის მოსპობით დაემუქრა, — აცხადებს საგამოძიებო სამსახური — ამ ფაქტის შემდეგ, ბრალდებული ცოლის მიმართ მუქარას აგრძელებდა.

  • საგამოძიებოს თანახმად, 2024 წლის მარტში საყოფაცხოვრებო საკითხებზე კონფლიქტის დროს, ბრალდებული ცოლს ფიზიკური ანგარიშსწორებით დაემუქრა როგორც პირადად, ასევე, მოკლე ტექსტური შეტყობინებით.

დაზარალებულმა სპეციალურ საგამოძიებო სამსახურს მიმართა, რის შედეგადაც, ბრალდებული დააკავეს.

  • სამხედრო პოლიციელს ბრალდება 48 საათში წარედგინება.
  • დანაშაული 3-წლამდე თავისუფლების აღკვეთას ითვალისწინებს.