თმის ცვენა მსოფლიოში ჯანმრთელობის ერთ-ერთი ყველაზე გავრცელებული პრობლემაა. როგორც ცნობილია, კაცების 85% და ქალების 33% ცხოვრების გარკვეულ ეტაპზე უჩივის თმის ცვენას, კაცებში კი, სიმელოტე, იგივე ანდროგენული ალოპეცია, თმის ცვენის ყველაზე გავრცელებული ფორმაა (შემთხვევების 95%).

ასეთი სტატისტიკის გათვალისწინებით, სულ არაა გასაკვირი, რომ თმის ცვენასა და სიმელოტეზე ჩვენს საზოგადოებაში ბევრი მითი არსებობს. ხან ქუდის მოხდას გვირჩევენ ხოლმე სიმელოტისგან დასაცავად და ხანაც — მზეზე ყოფნის თავიდან აცილებას. ამას ემატება გავრცელებული ფრაზები, რომელთა მოსმენაც, ალბათ ყველა იმ ადამიანს ამოუვიდა ყელში, ვისაც თმის ცვენასთან გამკლავება უხდება. ამ სტატიაში სწორედ ასეთ გავრცელებულ დამოკიდებულებს მოვუყარეთ თავი.

1. "სულ რომ ქუდს ატარებდი, მაგის ბრალია"

არადა, ამ დროს ქუდი საერთოდ არაფერ შუაშია. არ არსებობს არცერთი სამეცნიერო კვლევა, რომელიც ქუდის თუნდაც ყოველდღიური ტარების სიმელოტესთან კავშირზე მიუთითებს. თუმცა, ქუდსაც გააჩნია — თუკი ის უსუფთაოა, შეიძლება სკალპის ინფექცია გამოიწვიოს, რომელიც თმის ცვენასაც დააჩქარებს.

2. "ბერდები?"

გაუგებარია, თუნდაც ხუმრობით რატომ უნდა უთხრა ეს ფრაზა მელოტ ადამიანს, თუმცა, დარწმუნებით გეტყვით, რომ "სიბერე" თმის ცვენასთან არაფერ შუაშია. მეტიც, თმის ცვენა ყველაზე ხშირად 30 წლამდე იწყება. ამერიკული ასოციაციის ცნობით, კაცების 66%-ს 35 წლის ასაკისთვის სიმელოტის ნიშნები ემჩნევა, 85%-ს კი, 50 წლისთვის უკვე თვალშისაცემად აქვს თმა შეთხელებული.

საბედნიეროდ, სიმელოტესთან გამკლავება დღეს უკვე პრობლემას აღარ წარმოადგენს. თმის გადანერგვა წლიდან წლამდე უფრო პოპულარული ხდება. მრავალპროფილური კლინიკა კანი თმის გადანერგვას თანამედროვე, უმტკივნეულო და უნაკერო მეთოდით ახორციელებს. პროცედურას ქართველ სპეციალისტებთან ერთად თურქეთიდან მოწვეული გამოცდილი ექიმი-ტრანსპლანტოლოგები ატარებენ უახლესი FUE sapphire და DHI ტექნოლოგიით.

3. "სიმელოტემ სექსუალური გაგხადა"

მშვენიერი კომპლიმენტი იქნებოდა ნებისმიერი ადამიანისთვის, რომ არა მინიშნება, თითქოს აქამდე მიმზიდველი არ იყო. ისე კი, ამ ცნობილი ფრაზის უკანაც ერთგვარი მითი დგას: თითქოს სიმელოტეს ტესტოსტერონის სიჭარბე იწვევდეს. ამან, თავის მხრივ, კიდევ ერთი მითი დაბადა: ვითომ სექსუალურად აქტიური კაცები პირველები მელოტდებიან. თუმცა, რეალურად, თმის ცვენა უფრო მეტად უკავშირდება დიჰიდროტესტოსტერონს — რამდენად მგრძნობიარე არიან თმის ფოლიკულები ამ ჰორმონის მიმართ.

კლინიკა კანში თმის გადასანერგად სამოქმედო გეგმა კი სპეციალისტთან კონსულტაციითა და ინდივიდუალური საჭიროებების გათვალისწინებით ისახება, ამდენად, ყველა გარემოებაც მხედველობაშია მიღებული.

4. "ბევრს ნერვიულობ და მაგის ბრალია"

შფოთვა, სტრესი თუ ტრავმული გამოცდილება ზოგჯერ მართლაც იწვევს თმის ცვენას — თუმცა, მხოლოდ დროებით. თუ თმის დაკარგვა ბუნებრივად განპირობებული არ იყო, ის ისევ გაიზრდება. სიმელოტე კი დროებითი მდგომარეობა არაა და ამდენად არც ნერვიულობასთანაა კავშირში. მაგრამ, რასაკვირველია, ჯობს ნაკლები ინერვიულოთ, მათ შორის — თმის ცვენაზე, რადგან ამ მდგომარეობის შეცვლა, როგორც გითხარით, დღეს უკვე პრობლემას აღარ წარმოადგენს.

სანერვიულო არც თმის გადანერგვის პროცედურაა — ყოველ შემთხვევაში, კლინიკა კანში. როგორც ვახსენეთ, პროცესი უმტკივნეულო და უნაკეროა. ამასთან, რეაბილიტაციის პერიოდიც ძალიან მოკლეა.

5. "ვიტამინები მიიღე და გაგეზრდება თმა"

რადგან სიმელოტესთან გამკლავების გზებსაც შევეხეთ, ერთ-ერთი ყველაზე ცნობილი მცდარი რჩევა უნდა ვახსენოთ — "ვიტამინების მიღება თმას ზრდის". ჯანსაღი კვება ნამდვილად დიდ გავლენას ახდენს თმის მდგომარეობაზე, მაგრამ, სამწუხაროდ, ვერანაირი რაოდენობის ვიტამინი, საკვები დანამატი ან მინერალი ვერ გაზრდის თმას თავიდან. მეტიც, E-ვიტამინის ჭარბად მიღებამ თმის ცვენის პროცესი შეიძლება დააჩქაროს კიდეც.

ბონუსი: "ჩემმა ახლობელმა ქვეყანა ფული გადაიხადა თმის გადანერგვაში, მაგრამ — უშედეგოდ"

რეალურად, როგორც გითხარით, თმის გადანერგვა ყველაზე ეფექტური და გავრცელებული გზაა სიმელოტესთან გასამკლავებლად; თმის გადანერგვა კი ადამიანების ემოციურ მდგომარეობაზეც სასიკეთოდ აისახება — შედეგით 95%-ზე მეტი კმაყოფილია. თუმცა, რასაკვირველია, დიდი მნიშვნელობა აქვს, სად ინერგავთ თმას. კლინიკა კანში თმის გადანერგვის პროცედურისთვის უსაფრთხო და მაღალტექნოლოგიური, უახლესი გერმანული აპარატურით აღჭურვილი სივრცეა მოწყობილი. სერვისი კი ხელმისაწვდომია როგორც კაცებისთვის, ასევე ქალებისთვის.