საქართველოს პარლამენტის დეპუტატმა, ადა მარშანიამ თანაპარტიელს, ემზარ კვიციანს ჟურნალისტებთან კომენტარის გაკეთების საშუალება არ მისცა.

ვიდეოდან, რომელსაც პრაიმტაიმი ავრცელებს ირკვევა, რომ კვიციანს ვანო ჯავახიშვილის შესაძლო მკვლელობასა და შინაგან საქმეთა სამინისტოში გამოკითხვასთან დაკავშირებით უნდა ეპასუხა კითხვებისთვის.

"ბრიფინგის მერე, არ იქნება ინტერვიუები", - ამბობდა ადა მარშანია.

პატრიოტთა ალიანსის წევრი და საქართველოს პარლამენტის დეპუტატი, ემზარ კვიციანი შინაგან საქმეთა სამინისტროში, დღეს, 20 ივლისს გამოკითხეს. საქმე ეხება დეპუტატის მიერ ფეისბუკზე დაწერილ სტატუს, სადაც ის იუმორისტის, ვანო ჯავახიშვილის შესაძლო ლიკვიდაციაზე საუბრობს. კვიციანი ფიქრობს, რომ მილიარდერი ფილანთროპი, ჯორჯ სოროსი მსოფლიოში თავისი გავლენის გასაზრდელად, ვანო ჯავახიშვილის მოკვლას გეგმავს. დეპუტატის პასუხად კი რუსთავი 2-ის გენერალური დირექტორი ამბობს, რომ ემზარ კვიციანის განცხადება ირიბი მუქარაა.