სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.

OC Media-ს რედაქცია ამჯობინებს, არ გამოიყენოს ისეთი ტერმინები, როგორიცაა "დე ფაქტო", "არაღიარებული" ან "ნაწილობრივ აღიარებული", როდესაც სტატია ეხება ოკუპირებულ აფხაზეთს ან ე.წ. სამხრეთ ოსეთს, ასევე, მთიან ყარაბაღს. ეს არ ასახავს რედაქციის პოზიციას მათ სტატუსთან დაკავშირებით.

აფხაზეთი საწვავის დეფიციტის კრიზისის წინაშე დადგა, მას შემდეგ, რაც, გავრცელებული ინფორმაციით, მოსკოვმა სახელმწიფო ნავთობკომპანიას მიანიჭა ექსკლუზიური უფლება აფხაზეთში საწვავის ექსპორტზე.

სამშაბათს, 30 იანვარს, აფხაზეთის პარლამენტმა მოსკოვს მიმართვა გაუგზავნა, რომელშიც რუსეთს სთხოვა "გადახედოს" დადგენილებას, რომელიც როსნეფტს აფხაზეთში ბენზინის ექსპორტის ექსკლუზიურ უფლებას ანიჭებს.

აფხაზეთის ხელისუფლებამ ბენზინის დეფიციტი მიაწერა რუსეთის 16 დეკემბრის დადგენილებას, რომელიც, გავრცელებული ინფორმაციით, ყველა რუსულ კომპანიას, გარდა როსნეფტისა, უმრავლესობის სახელმწიფო ნავთობკომპანიის, უკრძალავს აფხაზეთში ბენზინის ექსპორტს. განკარგულება არ არის ხელმისაწვდომი საზოგადოებისთვის.

აფხაზი მაღალჩინოსნები საწვავის დეფიციტს მიაწერენ რუსეთის 16 დეკემბრის დადგენილებას, რომელიც, გავრცელებული ინფორმაციით, აფხაზეთში საწვავის ექსპორტის უფლებას მხოლოდ როსნეფტს აძლევს. დადგენილება საჯაროდ ხელმისაწვდომი არ არის.

როსნეფტს 2009 წლიდან აქვს ბენზინგასამართ სადგურები აფხაზეთში და ასევე, ინტენსიურად განიხილავს მთავრობასთან მის სანაპიროებზე ნავთობის მოპოვების გაგრძელებას.

29 დეკემბერს, როდესაც აფხაზეთში ბენზინგასამართი სადგურების უმეტესობა დაიხურა, ეკონომიკის სამინისტრომ სადგურების მფლობელებს უთხრა, რომ ბენზინის უზრუნველყოფის მიზნით, როსნეფტთან კონტრაქტები გააფორმონ. წინადადებას კრიტიკა მოჰყვა ბენზინგასამართი სადგურების ოპერატორების მხრიდან, რომლებიც ამტკიცებდნენ, რომ ისინი ვერასოდეს გაუწევდნენ კონკურენციას როსნეფტის ბენზინგასამართ სადგურებს, თუ ისინი საწვავს რუსული კომპანიისგან შეიძენდნენ.

განკარგულების შესახებ ინფორმაცია, პირველად, 25 დეკემბერს აზიდმა გაავრცელა — ერთადერთმა მსხვილმა კომპანიამ, რომელიც ყიდის საწვავს აფხაზეთში და არ აქვს რუსეთის ფინანსური მხარდაჭერა.

Azid-ის მენეჯმენტი დაუკავშირდა ენერგეტიკის სამინისტროს საწვავის დაგვიანებული გადაზიდვის თაობაზე. სამინისტრომ მათ უთხრა, რომ რუსეთმა შეზღუდა საწვავის იმპორტი აფხაზეთში, მათ შორის იმ გადაზიდვებზე, რომლების თანხაც უკვე გადახდილი იყო ადგილობრივი კომპანიების მიერ.

თუმცა, 24 იანვარს, აზიდმა და ალხანმა, კიდევ ერთმა ენერგეტიკულმა კომპანიამ, მიიღეს საწვავის დაგვიანებული მარაგი მატარებლით. აზიდის ხელმძღვანელობამ თქვა, რომ მიღებული საწვავის რაოდენობა, მაქსიმუმ, ორი კვირის განმავლობაში იქნებოდა საკმარისი.

"აქ არ არის გათვალისწინებული ის, რომ ჩვენ ყოველთვიურად ვაძლევთ დიდი ოდენობის საწვავს თავდაცვისა და შინაგან საქმეთა სამინისტროებს“, — განაცხადა 24 იანვარს ადამირ გაბუნიამ, Azid-ის ერთ-ერთმა დირექტორმა სოხუმში გამართულ პრესკონფერენციაზე.

მეორე დღეს, სამუშაოს ერთთვიანი შეჩერების შემდეგ, აზიდმა ბენზინგასამართი სადგურები გახსნა.

პოლიტიკურმა ანალიტიკოსმა და ჟურნალისტმა იზიდა ჭანიამ პრეზიდენტი ასლან ბჟანია "რუს ოლიგარქებთან“ თანამშრომლობაში და მცირე ბიზნესის განადგურებაში დაადანაშაულა.

"საწვავის კრიზისის შედეგად, ჩვენ მივიღებთ აფხაზი მეწარმის განდევნას საქმიანობის ყველა სხვა სფეროდან“, — განაცხადა ჭანიამ. "მომდევნო რიგში ტურიზმის სექტორია: ოლიგარქები ზღვის პირას ააშენებენ აპარტ-ჰოტელებს, მცირე სასტუმროებს და სახლებს, რაც, ბოლო წლების განმავლობაში, ერთადერთი გზაა მოსახლეობის უმრავლესობისთვის, რომ ფული გამოიმუშაონ".

"ამჟამინდელი ხელისუფლების სტრატეგია მიზნად ისახავს აფხაზეთის მოქალაქეებისთვის ფულის შოვნის ყოველგვარი შესაძლებლობის ჩამორთმევას, ქვეყანას კი განვითარების შესაძლებლობას ართმევს", — ამბობს ჭანია.

26 იანვარს, აფხაზეთის ოპოზიციონერებმა თქვეს, რომ როსნეფტთან დაკავშირებით რუსეთის დადგენილების არსებობის შესახებ მთავრობამ მოიტყუა.

"ფასების მკვეთრი ზრდის, დეფიციტისა და ამჯერად — ბაზრის მონოპოლიზებით პრობლემები აფხაზეთში დაიწყო მას შემდეგ, რაც გამოჩნდა კომპანია "აფსნი საწვავის" ბენზინგასამართი სადგურები, რაც პირდაპირ არის დაკავშირებული ქვეყნის ხელისუფლებასთან", — ნათქვამია მათ განცხადებაში.