სტატისტიკის ეროვნული სამსახურის წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2016 წლის I კვარტალში 376 მილიონი აშშ დოლარი შეადგინა, რაც 103%-ით მეტია 2015 წლის I კვარტლის წინასწარ მონაცემებზე.

ფოტო: სტატისტიკის ეროვნული სამსახური

2016 წლის I კვარტალში უმსხვილეს პირდაპირ ინვესტორ ქვეყნებში, პირველ ადგილზე აზერბაიჯანია 36%-ით, მეორე ადგილზე - თურქეთი 15%-ით, ხოლო მესამე ადგილზე - გაერთიანებული სამეფო 12%-ით.

ფოტო: სტატისტიკის ეროვნული სამსახური

საქსტატის მიხედვით, ყველაზე მეტი პირდაპირი უცხოური ინვესტიცია ტრანსპორტისა და კავშირგაბმულობის სექტორში განხორციელდა და 200 მილიონ აშშ დოლარს მიაღწია, რაც მთლიანი პირდაპირი უცხოური ინვესტიციების 53 პროცენტია.

ფოტო: სტატისტიკის ეროვნული სამსახური

მეორე ადგილზე იმყოფება საფინანსო სექტორი 58 მილიონი აშშ დოლარით, ხოლო მესამეზე - ენერგეტიკის სექტორი 40 მილიონი აშშ დოლარით.