მოკლედ: საქართველოს პრემიერ-მინისტრი, ირაკლი ღარიბაშვილი, ისრაელის სახელმწიფოს პრეზიდენტს, ისააკ ჰერცოგს შეხვდა.

დეტალები: საქართველოს მთავრობის პრესსამსახურის ინფორმაციით, შეხვედრაზე განსახილველ საკითხებს შორის იყო ახლო აღმოსავლეთში მიმდინარე მოვლენები.

  • ღარიბაშვილმა აღნიშნა, რომ საქართველოს მთავრობა გმობს ისრაელის სახელმწიფოსა და მოქალაქეებზე განხორციელებულ ტერორისტულ თავდასხმებს.
  • აქცენტი გაკეთდა საქართველოსა და ისრაელს შორის არსებული ორმხრივი კავშირების გაძლიერებაზე.
  • შეხვედრას მოგვიანებით ღარიბაშვილი X-ზე გამოეხმაურა.
  • "იმედს გამოვთქვამ, რომ მშვიდობა და სტაბილურობა დაისადგურებს ახლო აღმოსავლეთსა და მის ფარგლებს მიღმა", — წერს ის.

ბოლო ხაზი: ირაკლი ღარიბაშვილსა და ისრაელის სახელმწიფოს პრეზიდენტის შეხვედრა დავოსში გაიმართა. საქართველოს პრემიერ-მინისტრი მეოთხე დღეა დავოსის საერთაშორისო ეკონომიკურ ფორუმზე იმყოფება.

მსგავსი: ღარიბაშვილი დავოსის მსოფლიო ეკონომიკურ ფორუმზე გაემგზავრა