საქართველოს პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა და რეგიონული განვითარებისა და ინფრასტრუქტურის მინისტრმა, ზურაბ ალავიძემ ქ. ბათუმში ნაპირდაცვის სამუშაოები და სანაპირო ზოლი მოწყობის სამუშაოები დაათვალიერეს, რომელიც აქტიურად მიმდინარეობს.

მშენებლობას აზიის განვითარების ბანკი 30 მილიონი ლარით აფინანსებს. პროექტი ითვალისწინებს, დაახლოებით, 2 კმ ნაპირსამაგრი ნაგებობის მოწყობას და სანაპიროს აღდგენას ქვიშა-ხრეშოვანი ნარევით. ასევე, მოეწყობა არსებული ბულვარის აღდგენილ სანაპიროსთან დამაკავშირებელი 12 საფეხმავლო ხიდი.

მიმდინარე ინფრასტრუქტურული პროექტები განსაკუთრებით მნიშვნელოვანია რეგიონის სოციალურ-ეკონომიკური განვითარებისთვის, ინვესტიციების მოზიდვისა და ტურიზმის ხელშეწყობის კუთხით.

სამუშაოები 2018 წლის აგვისტოში დასრულდება.