მოკლედ: თბილისის მერია 2024 წლის იანვრიდან სრულად დააფინანსებს ძუძუს კიბოს სამკურნალო მედიკამენტების პროგრამის ყველა მოსარგებლეს — თქვა თბილისის მერმა, კახა კალაძემ.

დეტალები: პროგრამის ფარგლებში,

  • ძვირადღირებული სამკურნალო მედიკამენტები პროგრამის ყველა მოსარგებლეს 100%-ით დაუფინანსდება.
  • ამ დრომდე, 100%-იანი დაფინანსებით მხოლოდ სოციალურად დაუცველთა ბაზაში მყოფი მოქალაქეები სარგებლობდნენ.
  • ჯანდაცვისა და სოციალური მომსახურების საქალაქო სამსახური, აღნიშნულ ცვლილებამდე, პროგრამით გათვალისწინებულ მომსახურებას სოციალურად დაუცველის სტატუსის არ მქონე პირებს მხოლოდ 80%-ით, რიგ შემთხვევაში კი - 50%-ით უფინანსებდა.
  • "აღნიშნული გადაწყვეტილება კი პაციენტებისა და მათი ოჯახების ფინანსურ ტვირთს მნიშვნელოვნად შეამსუბუქებს", — განაცხადა კალაძემ დედაქალაქის მთავრობის სხდომაზე.

ბოლო ხაზი: მერის, კალაძის თქმით, ძუძუს კიბოს ადრეული სტადიის შემთხვევაში, ერთ პაციენტს თბილისის მერია წლის განმავლობაში მინიმუმ, 21 600 და მაქსიმუმ — 61 150 ლარით აფინანსებს, ხოლო მეტასტაზური ფორმის შემთხვევაში, მინიმუმ 40 500 და მაქსიმუმ — 65 340 ლარით.