ის რომ შესაძლებელია იყო მუსლიმი, მართლმადიდებელი თუ კათოლიკე და ამავდროულად გქონდეს განსხვავებული სექსუალური ორიენტაცია, წესით განხილვის საგანი აღარ უნდა იყოს, თუმცა მათ ვისაც საკითხთან დაკავშირებით ჯერ კიდევ შეიძლება გაქვთ კითხვის ნიშნები, განაგრძეთ კითხვა.

რამდენიმე დღის წინ, ბანგლადეშურ ნაციონალურ სამოსში გამოწყობილმა, ახალგაზრდა წყვილმა იქორწინა, რითაც ისინი ისტორიაში შევიდნენ, როგორც პირველი მუსლიმი გეი წყვილი, რომელთაც ერთმანეთთან უკვე კანონი აკავშირებთ.

"გვინდა, მთელ მსოფლიოს დავანახოთ, რომ შეიძლება, იყო გეი და თან იყო მუსლიმი", ამბობს ჯაჰედი.

24 წლის ჩუდჰარის თქმით, ის რამდენჯერმე გააგდეს ადგილობრივი მეჩეთიდან და სხვა მუსლიმებისგან მუდმივ განიცდიდა შევიწროებას. როგორც ის ამბობს, თავს გამუდმებით მარტოსულად გრძნობდა მანამ, სანამ 2015 წელს როგანი არ გაიცნო და მასთან ურთიერთობა არ დაიწყო.

როგანი 19 წლისა არის და როგორც ამბობს, ისიც ხშირად განიცდიდა დამცირებასა და ჩაგვრას. მისი თქმით, ოჯახის წევრებს მას "უკურნებელი სენით დაავადებულად" მიიჩნევდნენ.

"იყო გეი, ეს სრულებით ნორმალურია. ხალხს უბრალოდ ცოტაოდენი მხარდაჭერა და სიყვარული სჭირდება", ამბობს სინ როგანი.