რა ხდება: ერთიანი ნაციონალური მოძრაობა განცხადებას ავრცელებს და აღნიშნავს, რომ ნიკა მელია არ წარმოადგენს პარტიას.

  • "ეს საკითხი დახურულია და პარტია არ აპირებს ამ საკითხზე დამატებითი კომენტარის გაკეთებას", — აცხადებენ ისინი.

დეტალები: ენმ აცხადებს, რომ მრავალთვიანი მცდელობის მიუხედავად, ყოფილი თავმჯდომარე დაჰბრუნებოდა პარტიას, მელია არ იზიარებს მანიფესტით გათვალისწინებულ პრინციპებს.

  • "ნიკა მელია პარტიის დაზიანების კამპანიას აგრძელებს და საჯაროდ აცხადებს, რომ ის არ არის ნაციონალურ მოძრაობაში. ფაქტია — ნიკა მელია არ წარმოადგენს პარტია ერთიან ნაციონალურ მოძრაობას", — წერია პარტიის განცხადებაში.

რა მანიფესტზეა საუბარი: 23 ნოემბერს, ენმ-მ, მიხეილ სააკაშვილის ინიციატივითა და ავტორობით, პარტიის ერთობის მანიფესტი გამოაქვეყნა, რომელიც პარტიის ფუნქციონირების ძირითად პრინციპებს განსაზღვრავს.

ბოლო ხაზი: პარტია ერთიანი ნაციონალური მოძრაობა, დღეს გავრცელებულ განცხადებაში აღნიშნავს, რომ "პარტია შედის გადამწყვეტ საარჩევნო რეჟიმში" და 2024 წლის საპარლამენტო არჩევნებში გამარჯვებისთვის ემზადება.