დეტალები: სახალხო დამცველი ეხმიანება 18 ნოემბერს, გარემოს დაცვისა და სოფლის მეურნეობის სამინისტროსთან მიმდინარე აქციის დროს, პროტესტის მონაწილეთა დაკავების ფაქტს.

  • მათი თქმით, დაკავების კანონიერების საკითხის შესწავლა უკვე დაწყებულია.
  • როგორც განცხადებაში აღნიშნულია, ომბუდსმენმა უკვე მოინახულა თბილისისა და რუსთავის დროებითი მოთავსების იზოლატორებში მყოფი 7 დაკავებული, მათ შორის, ვარლამ გოლეთიანი.

სამინისტროსთან დაკავებულებს შორის, არის ჟურნალისტი რატი რატიანიც, რომელიც გავრცელებული ინფორმაციით, დაკავების დროს პროფესიულ საქმიანობას ახორციელებდა.

  • "დაუშვებელია ჟურნალისტისთვის პროფესიულ საქმიანობაში ხელშეშლა", — აღნიშნულია ომბუდსმენის განცხადებაში.
  • სახალხო დამცველი მოუწოდებს შსს-ს, დაუყოვნებილ გაათავისუფლოს რატი რატიანი, საგამოძიებო სამსახურმა კი დაიწყოს გამოძიება ჟურნალისტურ საქმიანობაში ხელის შეშლის ფაქტზე.

რა ხდება: გუშინ, 18 ნოემბერს, გარემოსა და სოფლის მეურნეობის სამინისტროსთან, შსს-მ დააკავა რაჭის ტყეების პროტესტის 11 მონაწილე.

  • ისინი რაჭის ტყის ლიცენზიის გაუქმების მოთხოვნით აქციას მართავდნენ.
  • პროტესტის მონაწილეებმა სამინისტროს წინ გაშალეს პატარა კარავიც.
  • შსს ამტკიცებს, რომ აქციის მონაწილეებმა დაარღვიეს საზოგადოებრივი წესრიგი.