რა ხდება: საფრანგეთის პრეზიდენტი ამბობს, რომ ისრაელმა უნდა შეწყვიტოს ღაზას დაბომბვა და ბავშვებისა და ქალებიც ხოცვა.

  • ემანუელ მაკრონის თქმით, ისრაელს აქვს უფლება თავი დაიცვას, თუმცა ქალებისა და ბავშვების მკვლელობა უნდა შეწყდეს.
  • თუმცა მან, აქვე, ხაზგასმით აღნიშნა, რომ საფრანგეთი გმობს ჰამასის ტერორისტულ თავდასხმებს.
  • კითხვაზე, ფიქრობს თუ არა, რომ სხვა ქვეყნის ლიდერები, მათ შორის — აშშ-სა და დიდი ბრიტანეთის, შეუერთდებიან მის მოთხოვნას ცეცხლის შეწყვეტასთან დაკავშირებით, მაკრონმა თქვა, რომ "ამისი იმედი აქვს".

რას პასუხობს ისრაელი: მაკრონის განცხადებას მალევე გამოეხმაურა ისრაელის პრემიერ-მინისტრის ოფისი.

  • X-ზე ისინი წერენ, რომ ქვეყნებმა უნდა დაგმონ ჰამასი და არა ისრაელი.
  • "რასაც ახლა ჰამასი ჩადის ღაზაში, ხვალ იმავეს ჩაიდენს პარიზში, ნიუ-იორკსა და დანარჩენ მსოფლიოში",— წერს ნეთანიაჰუს ოფისი.

ბოლო ხაზი: ღაზაში დაღუპულთა რაოდენობამ 11 000-ს გადააჭარბა, მათგან 4500 — ბავშვია.

7 ოქტომბერს ჰამასის თავდასხმებს ისრაელში 1400 ადამიანი ემსხვერპლა, 200-ზე მეტი ჰამასს ტყვედ ჰყავს აყვანილი.