თუ ჩინური ავიახაზებით მგზავრობას გადაწყვეტთ, შუა ფრენისას, შესაძლოა, მაღალი კლასის მოდის ჩვენებაზე ამოყოთ თავი.

Hainan-ის ავიახაზებმა ეკიპაჟის წევრებისთვის უნიკალური დრესკოდის შესაქმნელად დიზაინერ ლორენს ჟუსთან ითანამშრომლა და საბოლოოდ ხელოვნების ნამდვილი ნიმუშებიც მიიღო.

სტიუარდების უნიფორმების დიზაინი ტრადიციული ჩინური კაბებითაა შთაგონებული, თუმცა ჩინური ხელოვნების ელემენტებით მოხატულ სამოსში, დასავლური სტილის მოდის ტენდენციებსაც შენიშნავთ.

"ჩვენ ამით იმის ჩვენებაც გვსურს, რომ ჩვენი ავიახაზები საერთაშორისო ღირებულებების მიმდევარია, ხოლო ჩინეთი თანამედროვე და მოდის მიმდევარი ქვეყანაა" - ამბობს ავიახაზების ბრენდ-დირექტორი ჟუ ფეი.

ფოტო: Hainan Airlines

ფოტო: Hainan Airlines

ფოტო: Hainan Airlines

ფოტო: Hainan Airlines

აღსანიშნავია, რომ კაცების უნიფორმები ქალებისაზე ნაკლებად ექსტრავაგანტულია.