მოკლედ: ევროკომისიამ საქართველოს შესახებ 2023 წლის ანგარიშის ძირითადი მიგნებები გამოაქვეყნა. დოკუმენტი პოლიტიკურ ნაწილსა და პროგრესის მიღწევისთვის გასატარებელ რეფორმებზე აკეთებს აქცენტს.

  • დასკვნის ერთ-ერთი მონაკვეთში საუბარია სამოქალაქო საზოგადოებაზე და აღნიშნულია მოქალაქეთა როლი 2023 წლის მარტის აქციებისას.

დეტალები: ანგარიშში საქართველოს სამოქალაქო საზოგადოება მოხსენიებულია, როგორც "კარგად განვითარებული და მრავალფეროვანი".

  • სამოქალაქო საზოგადოება აქტიურად უწყობს ხელს პოლიტიკურ დიალოგს.
  • აღნიშნულია "უცხოური გავლენების შესახებ" (*რუსული კანონი) კანონპროექტის განხილვა პარლამენტში, რასაც ახლდა მასობრივი საპროტესტო აქციები თბილისში.
  • ევროკომისია აღნიშნავს, რომ კანონპროექტი, პროტესტებისა და მძაფრი საერთაშორისო რეაქციების შედეგად, გაიწვიეს.
  • კომისიის შეფასებით, კანონპროექტმა სამოქალაქო საზოგადოებაში ხელისუფლების მიმართ უნდობლობა დათესა და ასევე, შედეგად, გამოიწვია ძირითადი რეფორმების შესახებ კონსულტაციების ბოიკოტი.
  • "ეს გაგრძელდა კანონპროექტის გაწვევის შემდეგაც, მიუხედავად იმისა, რომ მთავრობამ და პარლამენტმა 25 ივლისსა და 13 სექტემბერს გამართეს ორი კონფერენცია სამოქალაქო საზოგადოებასთან თანამშრომლობის აღდგენის მიზნით და განაცხადეს, რომ გააგრძელებდნენ საკოორდინაციო შეხვედრებს სამოქალაქო საზოგადოებრივ ორგანიზაციებთან", — წერია დოკუმენტში.

ბოლო ხაზი: ევროკომისია, ასევე, აცხადებს, რომ უნდა მოხდეს თანამშრომლობა სამოქალაქო საზოგადოებასთან, განსაკუთრებით რეფორმებთან დაკავშირებით, ისევე, როგორც ოპოზიციურ პარტიებთან.