ჰამასის თავდასხმებიდან 1 თვის შემდეგ, ისრაელის თავდაცვის მინისტრი, იოავ გალანტი ამბობს, რომ მათი შეიარაღებული ძალები ქალაქ ღაზის შუაგულში არიან.

  • გალანტის თქმით, ჯარისკაცებმა ქალაქი სახმელეთო, საჰაერო და საზღვაო ძალების სრული კოორდინირებით აიღეს.
  • ისრაელის პრემიერ-მინისტრმა, ბენიამინ ნეთანიაჰუმ ღაზის მოსახლეობას მოუწოდა, სამხრეთისკენ გადაინაცვლონ.

აპირებს თუ არა ისრაელი ღაზის ოკუპაციას: ნეთანიაჰუმ რამდენიმე დღის წინ თქვა, რომ ომის შემდეგ, ღაზის სექტორის უსაფრთხოებაზე პასუხისმგებლობას ისრაელი აიღებს.

  • მისი განცხადება გუშინ ისრაელის მისი სამხედრო კაბინეტის წევრმა განმარტა — რონ დერმერის თქმით, ნეთანიაჰუ გულისხმობდა, რომ ისრაელი უზრუნველყოფს, ღაზა დარჩეს დემილიტარიზებულ ზონად.
  • ისრაელის შეიარაღებული ძალები კი ტერიტორიაზე, ტერორისტული საფრთხის შემთხვევაში, ჩაატარებენ ოპერაციებს.
  • დერმერი ამბობს, რომ ისრაელი არ მოახდენს ღაზის სექტორის ოკუპაციას.

მსხვერპლი, რომელის კონფლიქტს მოჰყვა: ომის დაწყებიდან დღემდე, ღაზის სექტორში 10 300-ზე მეტი პალესტინელი დაიღუპა.

  • მათგან 4100 ბავშვია.
  • ისრაელში ჰამასის თავდასხმებს 1400 ადამიანი ემსხვერპლა, 200-ზე მეტი დაჯგუფებას ტყვედ ჰყავს აყვანილი.