თუ გასულ კვირას იმდენი დრო არ გქონდა, რომ ყველა ახალი ამბისთვის თვალი გედევნებინა, ამაზე ღელვა არ ღირს. ამ სტატიაში წინა კვირიდან 10 ამბის შესახებ გიამბობთ, რომელიც შეიძლება გამოგრჩენოდა. ასე რომ, ერთად ვნახოთ, რა ხდებოდა გასულ კვირას მსოფლიოში:

1. ზენდეიამ ტომ ჰოლანდზე დანიშვნის შესახებ ჭორებს უპასუხა

ცოტა ხნის წინ ზენდეიამ ინსტაგრამის "სთორიში" ფოტო დადო, რომელშიც არათითზე ბეჭედი ეკეთა. მალევე ზენდეიას მოუწია, "სთორიში" ვიდეო დაეპოსტა, რომელშიც განმარტა, რომ არა, ის და ტომ ჰოლანდი არ დანიშნულან.

უფრო ვრცლად წაიკითხე აქ.

2. მსახიობი მაიკლ გემბონი 82 წლის ასაკში გარდაიცვალა

ცნობილი ირლანდიელი მსახიობი სერ მაიკლ გემბონი 82 წლის ასაკში გარდაიცვალა. გემბონს მაყურებელთა დიდი ნაწილი ჰარი პოტერის ფილმებში მონაწილეობით იცნობდა. მსახიობი პოტერიადის მესამედან მერვე ფილმამდე ჰოგვორტსის მაგიისა და ჯადოქრობის სკოლის დირექტორს, ალბუს დამბლდორს, ასახიერებდა.

უფრო ვრცლად წაიკითხე აქ.

3. პიკეს დათხოვნილ ძიძას შაკირამ სიმღერა მიუძღვნა და კლიპშიც ის გადაიღო

შარშან, როცა 12-წლიანი ურთიერთობის შემდეგ შაკირა და ჟერარდ პიკე ერთმანეთს დაშორდნენ, აქტიურად ვრცელდებოდა ხმები ესპანელი ფეხბურთელის მხრიდან ღალატზე. მაშინ გავრცელდა ხმა, რომ შაკირას პიკეს სავარაუდო ღალატის შესახებ ძიძამ, ლილი მელგარმა, აცნობა. ძიძა, რომელიც წყვილის ოჯახში დიდი ხნის განმავლობაში მუშაობდა, პიკემ კომპენსაციის გადახდის გარეშე გაათავისუფლა. თუმცა სულ ახლახან კოლუმბიელმა მუსიკოსმა თავის ახალ სიმღერაზე ვიდეოკლიპი გადაიღო, სადაც სწორედ ლილი მელგარს ვხედავთ.

უფრო ვრცლად წაიკითხე აქ.

4. ცნობილი გახდა, რომ Airbnb-ზე შრეკის ჭაობის სახლი გაქირავდება

Airbnb-ზე მალე შრეკის ჭაობის სახლი გაქირავდება. შრეკის ჭაობის სახლის დაჯავშნა 13 ოქტომბრის შუადღის პირველი საათიდან იქნება შესაძლებელი. ფილმის ფანებს შოტლანდიის მაღალმთიან რაიონში, პერსონაჟის სახლში, სურვილისამებრ 1 ან 2 ღამის გატარება შეეძლებათ.

უფრო ვრცლად წაიკითხე აქ.

5. აშშ-ში დაკარგული 2 წლის ბავშვი ტყეში მძინარე იპოვეს, ის ოჯახის ცუგას ბალიშად იყენებდა

აშშ-ის შტატ მიჩიგანში 2 წლის ბავშვი სახლიდან გაიპარა და თითქმის 5 კილომეტრი იხოხა. მას თან ოჯახის ორი ძაღლი მიჰყვებოდა. ბავშვი რამდენიმე საათში ტყეში მძინარე იპოვეს, როდესაც ერთ-ერთ ცუგას ბალიშად იყენებდა.

უფრო ვრცლად წაიკითხე აქ

6. Cardi B-მ განაცხადა,რომ სახლში მოჩვენება ჰყავს, რომელსაც მასთან სექსი უნდა

Cardi B-მ ინსტაგრამის ლაივ-ჩართვაში თქვა, რომ სახლში მოჩვენება ჰყავს, რომელსაც მასთან სექსი უნდა. რეპერის თქმით, თავისი დაცვის ერთ-ერთ წევრსაც სთხოვა, შინ შესულიყო და ხმა თავად გაეგონა, მაგრამ "ის" გაქრა. ამასთან, Cardi B ამბობს, რომ "მოჩვენება" მხოლოდ მაშინ ჩნდება, როცა მისი ქმარი შინ არაა.

უფრო ვრცლად წაიკითხე აქ.

7. მექსიკაში დაუპატიჟებელმა დათვმა პიკნიკზე მოილხინა და გზა გააგრძელა

მექსიკის ერთ-ერთ პარკში გამართული ოჯახური პიკნიკი ვირუსულ ვიდეოდ იქცა. ამის მიზეზი კი ისაა, რომ პარკის ვიზიტორთა ჯგუფს დიდი შავი დათვი მიუახლოვდა. როგორც აღმოჩნდა, დათვი არავის ერჩოდა და მას მხოლოდ საჭმელი აინტერესებდა. გავრცელებულ ვიდეოში ჩანს, რომ დათვი ენჩილადასა და ტაკოებს მიირთმევს, მისგან ძალიან ახლოს მყოფი ადამიანები კი ადგილიდან არ იძვრიან. ჭამის შემდეგ დათვმა მაგიდაზე გაიარ-გამოიარა, შემდეგ კი ჩამოხტა და გზა გააგრძელა.

უფრო ვრცლად წაიკითხე აქ.

8. გავიგეთ, რომ კინოთეატრ ამირანში ფილმის შაშვი, შაშვი, მაყვალი პრემიერა 12 ოქტომბერს შედგება

12 ოქტომბერს ფილმის შაშვი, შაშვი, მაყვალი პრემიერა კინოთეატრ ამირანში შედგება. ფილმი თანამედროვე ქართველი მწერლის, თამთა მელაშვილის იმავე სახელწოდების რომანის მიხედვით გადაიღეს და მისი ერთ-ერთი სცენარისტი თავად მელაშვილია, რეჟისორი კი ელენე ნავერიანი. ფილმში მთავარ როლებს ეკატერინე ჩავლეიშვილი და თემიკო ჭიჭინაძე ასრულებენ.

უფრო ვრცლად წაიკითხე აქ.

9. აშშ-ში კალათბურთის მატჩზე კაცმა თავისი შინაური ალიგატორის შეყვანა სცადა

აშშ-ის ფილადელფიის შტატში კაცმა კალათბურთის მატჩზე თავისი შინაური ნიანგის შეყვანა სცადა, თუმცა უარი უთხრეს. პატრონი ნიანგის სტადიონზე შეყვანას იმით ამართლებდა, რომ ალიგატორი მის მენტალურ მდგომარეობაზე დადებითად მოქმედებს და ემოციური მხარდაჭერისთვის სჭირდებოდა.

უფრო ვრცლად წაიკითხე აქ.

10. ბრიტანეთში გარდაცვლილს ქალაქის საბჭომ საკუთარი საფლავის მოწესრიგება მოსთხოვა

ცოტა ხნის წინ ბრიტანეთის ქალაქ სანდერლენდის საბჭომ 8 თვის წინ გარდაცვლილ სიუზან უილსონს გამაფრთხილებელი წერილი მისწერა. წერილში გარდაცვლილს საკუთარი საფლავის დასუფთავებას სთხოვდნენ.

უფრო ვრცლად წაიკითხე აქ.