მექსიკის ერთ-ერთ პარკში გამართული ოჯახური პიკნიკი ვირუსულ ვიდეოდ იქცა. ამის მიზეზი კი ისაა, რომ პარკის ვიზიტორთა ჯგუფს დიდი შავი დათვი მიუახლოვდა. როგორც აღმოჩნდა, დათვი არავის ერჩოდა და მას მხოლოდ საჭმელი აინტერესებდა.

გავრცელებულ ვიდეოში ჩანს, რომ დათვი ენჩილადასა და ტაკოებს მიირთმევს, მისგან ძალიან ახლოს მყოფი ადამიანები კი ადგილიდან არ იძვრიან. ჭამის შემდეგ დათვმა მაგიდაზე გაიარ-გამოიარა, შემდეგ კი ჩამოხტა და გზა გააგრძელა.

პარკის ვებგვერდი ვიზიტორებს აფრთხილებს, რომ მონტერეის მეტროპოლიტენში შავი დათვების გამოჩენის შემთხვევები გახშირდა. ადგილობრივები დათვებს გარდა პარკებისა, უბნებსა და ქუჩებშიც ხშირად ხედავენ.

ადმინისტრაცია ასევე ავრცელებს რეკომენდაციების სიას, თუ როგორ უნდა მოიქცნენ ადამიანები დათვის დანახვის შემთხვევაში. მათგან კი ერთ-ერთია, რომ მნახველებმა "დათვის გადაღების მიზნით მასთან მიახლოება არ უნდა სცადონ".