დღეს, 7 ივნისს, გადაცემა არჩევანში ნიკა გვარამიამ ბიძინა ივანიშვილის განცხადებაზე, რ2-ის მენეჯმენტის ცვლილებასთან დაკავშირებით კომენტარი გააკეთა. მისი თქმით, თუკი ტელევიზიაში ვინმე სხვა მივა ის მათთან აღარ იმუშავებს:

"მე, თავისთავად, ცხადია არავითარ ქიბარ ხალვაშთან, არავითარ დვალთან, რადგან ისინი არიან ცენზორები და დემოკრატიის მტრები, და რა თქმა უნდა, პირველ რიგში, ბიძინა ივანიშვილთან, რომელიც მიმაჩნია პუტინის შემდეგ ამ ქვეყნის ყველაზე უფრო მასშტაბურ მტრად, არ ვიმუშავებ. ყველა ადამიანს აქვს თავისი არჩევანი"

კიხვაზე, თუ რა მოხდება, თუკი მეორე ინსტანციაში რუსთავი 2 წააგებს სასამართლოს, გვარამიამ უპასუხა, რომ ისინი უზენაეს სასამართლოს დაელოდებიან:

"ჩვენთან ზუსტად იგივენაირად გავაგრძელებთ მუშაობას, როგორც ვმუშაობდით და დაველოდებით უზენაეს სასამართლოს და არამარტო მას. ბიძინა ივანიშვილმა იფიქროს, რა მოუვა, თუ ჩვენ წავაგებთ სააპელაციო სასამართლოში და ის გატეხავს ყველასთვის და მათ შორის იან კელისთვის მიცემულ სიტყვას, რომ ეს არ მოხდებოდა არჩევნებამდე"

დღეს, მედიასთან შეხვედრისას, ივანიშვილმა რუსთავი 2-ის მენეჯმენტის ცვლილებასთან დაკავშირებით, განაცხადა, რომ ის ფინანსურ გარანტად დაუდგება ხალვაშს ან დვალს და სთხოვს, რომ თუ სასამართლო არჩევნებამდე დასრულდა არ შეეხონ რუსთავი 2-ის მენეჯმენტს.