დღეს ერთიანმა ნაციონალურმა მოძრაობამ ვაკის რაიონის მაჟორიტარი დეპუტატობის კანდიდატად პარტიის პოლიტსაბჭოს წევრი კოტე იოსელიანი წარადგინა.

ენმ-ს თბილისის მერობის კანდიდატმა, ზაალ უდუმაშვილმა, კანდიდატის დახასიათებისას, მის წარმომავლობას გაუსვა ხაზი:

"ოქტომბერში თბილისი იტყვის გადამწყვეტ სიტყვას და ამ ქვეყანაში დაიწყება ცვლილებები სწორედ თბილისიდან და ვაკე იქნება ერთ-ერთი უბანი, რომელიც გადაწყვეტს თბილისის ბედს. ჩვენი კანდიდატი [კოტე იოსელიანი] სამი თაობა ვაკელია და შესაბამისად, მგონი ყველაზე კარგად იცნობს ვაკელების პრობლემას და დარწმუნებული ვარ, სწორედ კოტე არის ის ადამიანი, რომელიც ზუსტად შეძლებს ყველა პრობლემის მოგვარებას და გადაჭრას".

რამდენიმე დღის წინ, ზაალ უდუმაშვილმა, ინგა გრიგოლიას გადაცემაში განაცხადა, რომ "ყველა ვინც თბილისში ცხოვრობს, არის თბილისელი".