რატომ არის მნიშვნელოვანი: უკრაინის სახელმწიფო უსაფრთხოების სამსახურის ცნობით, დააკავეს რუსეთის დაზვერვის ინფორმატორი ქალი, რომელიც პრეზიდენტზე, ასევე, მის მარშრუტზე — გადაადგილების დროსა და ტრაექტორიაზე ინფორმაციას აგროვებდა.

  • როგორც უწყებაში ამბობენ, თავდასხმა ნიკოლაევის ოლქში, ვოლოდიმირ ზელენსკის სამუშაო ვიზიტის დროს იყო დაგეგმილი.

დეტალები: SBU-ს თანამშრომლებმა წინასწარ მოიპოვეს ინფორმაცია ეჭვმიტანილის სადაზვერვო და დივერსიული საქმიანობის შესახებ და პრეზიდენტის ვიზიტისას უსაფრთხოების დამატებითი ზომების მიღებაზე იზრუნეს.

  • ასევე, გაირკვა, რომ ის, რუსეთის დავალებით, უკრაინის ოჩაკოვის რაიონში რუსეთის შეიარაღებული ძალების საბრძოლო სისტემებისა და მასალის მდებარეობის გაგებასაც ცდილობდა.
  • გამოძიება ჯერ კიდევ გრძელდება — ეჭვმიტანილს 12 წლით თავისუფლების აღკვეთა ემუქრება.