საქართველოს პრეზიდენტი, გიორგი მარგველაშვილი ამბობს, რომ ჩიხური მდგომარეობაა შექმნილი. ის ქართულ ოცნებას მოლაპარაკებების დაწყებისკენ მოუწოდებს. ამის შესახებ მარგველაშვილმა ევროპის საბჭოს ვენეციის კომისიის პრეზიდენტთან, ჯანი ბუკიკიოსთან შეხვედრის შემდეგ განაცხადა.

"ქართულმა ოცნებამ უნდა გაიაზროს ის, რომ ეს პროცესი სერიოზულად აზარალებს დემოკრატიულ განვითარებას ჩვენი ქვეყნისა და ჩვენი ქვეყნის დემოკრატიულ იმიჯს და შეაჩეროს ეს პროცესი და დავიწყოთ კონსტიტუციური პროცესი ისე, როგორც ის უნდა მიმდინარეობდეს, დიალოგის, ჩართულობის, კონსენსუსის ღირებულებებიდან გამომდინარე", - აღნიშნა მარგველაშვილმა.

ჯანი ბუკიკიომ კი, ქართულ ოცნებასთან და პრეზიდენტთან შეხვედრის შემდეგ განაცხადა, რომ ძალიან იმედგაცრუებულია და ყოველ საათში უფრო იმედგაცრუებული ხდება. ბუკიკიოს თქმით, პროცესი დაბლოკილია, რადგან კონსტიტუციის პროექტზე კონსენსუსი ვერ შედგა.