საფრანგეთის პრეზიდენტის, ემანუელ მაკრონის ცენტრისტულმა პარტიამ, საფრანგეთის საპარლამენტო არჩევნების მეორე ტურში, მნიშვნელოვანი გამარჯვება მოიპოვა.

CNN-ის ცნობით, ხმები თითქმის სრულიად დათვლილია, მაკრონის La Republique En Marche-მა კი 577-დან 300 მანდატი მიიღო, მისმა პოლიტიკურმა მოკავშირემ, Mouvement Démocrate-მა კი - 41.

მაკრონის პარტია მხოლოდ ერთი წლისაა და მისი წევრების ნახევარს თითქმის არ აქვს პოლიტიკური გამოცდილება.

125-131 მანდატით, კონსერვატორ რესპუბლიკელებს და მათ მოკავშირეებს საკმაოდ ძლიერი ოპოზიციური ბლოკის ჩამოყალიბება შეუძლიათ, თუმცა ეს რიცხვი წინა მოწვევის პარლამენტში 200-ს შეადგენდა.

რაც შეეხება ულტრამემარჯვენე მარინ ლე პენის პარტიას, ეროვნულმა ფრონტმა მხოლოდ 8 მანდატი მოიპოვა.

არჩევნების მეორე ტურში საკმაოდ დაბალი, 42 პროცენტიანი აქტივობა დაფიქსირდა, თუმცა როგორც კორესპონდენტები ამბობენ, მაკრონის ოპონენტებმა უბრალოდ თავი არ შეიწუხეს ხმის მიცემით.