სტამბოლი-თბილისის რეისის დროს, ავიაკომპანია ატლასგლობალის თვითმფრინავს მეხი დაეცა.

ატლასგლობალ საქართველოს დირექტორის, თამუნა თანდაშვილის ცნობით, ინციდენტის შედეგად არავინ დაშავებულა და მგზავრები მოგვიანებით, სხვა რეისით ჩამოფრინდნენ თბილისში.

როგორც ერთ-ერთი მგზავრი, დავით ლოლაძე რუსთავი 2-თან ყვება, აფრენიდან 15-20 წუთში იგრძნეს, რომ თვითმფრინავს მეხი დაეცა:

"აფრენიდან 15-20 წუთში ყველამ ვიგრძენით როგორ შეიკრა წრედი, განათდა მეხი და დაარტყა თვითმფრინავს. ამის მერე იყო მართვის პრობლემები. შესაბამისად, პილოტმა მიიღო გადაწყვეტილება, რომ თვითმფრინავი დაეშვა ათათურქის აეროპორტში."