ლონდონის პოლიციის განცხადებით, გუშინ გრენფილ თაუერში გაჩენილი ხანძრის შედეგად, მინიმუმ 17 ადამიანის დაღუპვა დასტურდება, თუმცა ეს რიცხვი, სავარაუდოდ ისევ გაიზრდება.

BBC ოფიციალურ პირებზე დაყრდნობით იუწყება, რომ გარდაცვლილთა სხეულის ნაწილების ძებნას რამდენიმე კვირა დასჭირდება.

საავადმყოფოში მყოფი 80 ადამიანიდან 17-ის მდგომარეობა კრიტიკულია.

14 ივნისს დასავლეთ ლონდონში, 24-სართულიან შენობას ხანძარი გაუჩნდა. ადგილზე 200 მეხანძრე მუშაობდა. ხანძარი შუაღამისას გაჩნდა, როდესაც შენობაში მცხოვრებ ადამიანთა უმრავლესობას ეძინა. ხანძრის გაჩენის მიზეზი ამ დროისთვისაც უცნობია.