ლონდონის პოლიციის განცხადებით, ამ დროისთვის გრენფილ თაუერში გაჩენილი ხანძრის შედეგად, მინიმუმ 6 ადამიანის დაღუპვა დასტურდება, თუმცა ეს რიცხვი, სავარაუდოდ გაიზრდება. ინფორმაციას BBC ავრცელებს.

სამედიცინო პერსონალის განცხადებით, ამ დროისთვის საავადმყოფოში 60-ზე მეტი ადამიანია გადაყვანილი, მათ შორის 20-ის მდგომარეობა კრიტიკულია.

14 ივნისს დასავლეთ ლონდონში, 24-სართულიან შენობას ხანძარი გაუჩნდა. ადგილზე 200 მეხანძრე მუშაობდა. ხანძარი შუაღამისას გაჩნდა, როდესაც შენობაში მცხოვრებ ადამიანთა უმრავლესობას ეძინა.