ნიკოლას კეიჯი გამორჩეული მსახიობია, რომელზეც მსოფლიო ჯერ კიდევ ვერ ჩამოყალიბდა, მართლა ნიჭიერია თუ კინოინდუსტრიაში გამეფებული ნეპოტიზმის განსახიერება. ამ თემაზე შეიძლება ბევრი ვიკამათოთ, მაგრამ ნიკოლასი რომ თავისი სამსახიობო სტილით გამოირჩევა, ეს ფაქტია.

როგორც აღმოჩნდა, კეიჯი შთაგონებას ყველაფრისგან იღებს და მათ შორის მისი შინაური კობრებიც ყოფილა.

ჰო, ნიკოლას კეიჯს სახლში, სავარაუდოდ აკვარიუმში, კობრა ჰყავდა. თან ორი და თან სამეფო კობრები. ამბობენ, რომ შხამის ანტიდოტიც მუდმივად თან ჰქონდა.

ერთ-ერთ ინტერვიუში კეიჯმა განაცხადა, მრბოლელი მოჩვენების სიარულისა და მოძრაობის მანერა თავისმა კობრებმა შთააგონეს:

"კობრები ისე მოძრაობენ, რომ ცდილობენ ჰიპნოზში ჩაგაგდონ, თან თავზე თვალის ფორმის ლაქა აქვთ. ჰოდა, ვიფიქრე, რომ მრბოლელ მოჩვენებას ასე მოძრაობა მოუხდებოდა, თითქოს თავდასხმამდე მოწინააღმდეგის ჰიპნოზში ჩაგდებას ცდილობს", ამბობს კეიჯი.

თუ გაინტერესებთ, როგორ დაიკლაკნება ცეცხლოვანი ნიკოლას კეიჯი, ჩაუჯექით შაბათს, 20 მაისს, GDS-ის დიდ მარველობას!

17:00 დამსჯელი
19:20 მრბოლელი მოჩვენება
21:30 მრბოლელი მოჩვენება 2: შურისძიების სული