საფრანგეთის პრეზიდენტმა ემანუელ მაკრონმა დღეს ახალი პრემიერმინისტრი წარადგინა. 46 წლის ედვარდ ფილიპი რესპუბლიკელების პარტიიდანაა.

როიტერსის ინფორმაციით, განცხადება ელისეის საპრეზიდენტო სასახლიდან გენერალურმა მდივანმა, ალექსის კოილერმა, გაავრცელა.

ედვარდ ფილიპის დანიშვნით, თანამედროვე საფრანგეთი პოლიტიკური ცხოვრების ახალ ეტაპზე გადადის. მაკრონის ცენტრისტული რესპუბლიკური პარტია ჯერ მხოლოდ 1 წლისაა და ის ღირებულებებით საფრანგეთის ბოლო ათწლეულების პოლიტიკას უპირისპირდება.

მაკრონი საფრანგეთის პირველი პრეზიდენტია, რომელიც მემარჯვენე ან მემარცხენე პარტიიდან არ არის.

პრემიერმინისტრის დანიშვნის შემდეგ, მაკრონი გერმანიაში გაფრინდა, სადაც ის კანცლერს, ანგელა მერკელს, შეხვდება.