ინფორმაციას საქართველოს აეროპორტების გაერთიანება ფეისბუქგვერდის საშუალებით ავრცელებს.

რატომ არის მნიშვნელოვანი: ასაფრენ-დასსაფრენი ზოლის რეაბილიტაციის გამო 10 ოქტომბრიდან 24 ოქტომბრის ჩათვლით ქუთაისის აეროპორტში ფრენები ვერ შესრულდება.

დეტალები: ავიაკომპანიები, რომლებიც ქუთაისის აეროპორტში ოპერირებენ, თავად მიიღებენ გადაწყვეტილებას, რეაბილიტაციის პერიოდში სხვა აეროპორტში განაგრძონ ფრენები, თუ 2 კვირის განმავლობაში სრულად შეაჩერონ.

  • აეროპორტის განცხადებით, დაგეგმილია 2,5 კმ-იანი ასაფრენი ზოლის სრული გეგმიური რეაბილიტაცია.
  • განცხადების მიხედვით, სარემონტო სამუშაოები ჩაუტარდება ასაფრენი-დასაფრენი ზოლის საძირკველის ნაწილს.
  • მათივე ცნობით,გეგმიურ საარეოდრომო რეაბილიტაციასთან დაკავშირებით 8 მილიონი ლარის ღირებულების ტენდერი გამოცხადდა, რომელიც სრულად აეროპორტების გაერთიანების შემოსავლებით განხორციელდება.