NDI-ის კვლევის პოლიტიკური ნაწილის მიხედვით, რომლის შედეგების პრეზენტაციაც ახლა მიმდინარეობს ყოველი მეორე გამოკითხული მოქალაქე (52%) თბილისის მერის დავთ ნარმანიას მუშაობას ცუდად ან ძალიან ცუდად აფასებს.

თბილისის მერის საქმიანობას ძალიან კარგად, ან კარგად გამოკითხულთა მხოლოდ 8 პროცენტი აფასებს. ნარმანიას საქმიანობა საშუალოდ გამოკითხულთა მესამედმა (33%) შეაფასა, ყოველი მეოცე გამოკითხული (5%) ამბობს, რომ არ იცის, 1 პროცენტი კი არ სცემს კითხვას პასუხს.

კვლევის საველე სამუშაოები NDI-ის დაკვეთით, CRRC-იმ 2017 წლის 7-28 აპრილის პერიოდში ჩაატარა. გამოკითხული 2 493 მოქალაქე წარმომადგენლობითი შერჩევის წესით, მთელი ქვეყნის მასშტაბით (ოკუპირებული ტერიტორიების გარდა) შეირჩნენ და პირისპირ ინტერვიუს სახით გამოკითხეს. კვლევის ცდომილების ზღვარია 2,7 პროცენტი. კვლევა დიდი ბრიტანეთის მთავრობის UK aid-ის ფინანსური მხარდაჭერით ჩატარდა.