"17 მაისის - ჰომოფობიასა და ტრანსფობიასთან ბრძოლის საერთაშორისო დღის (IDAHOT) მოახლოების ფონზე, ფოტოკამპანია #ესქუჩადაკავებულია ლგბტ ადამიანების და მათი მხარდამჭერების პასუხია საზოგადოებრივი სივრცეებიდან მათი უხეშად განდევნის ფაქტებზე, იმ პირობებში, როცა სახელმწიფო ვერ უზრუნველყოფს მათ უსაფრთხოებას და ფუნდამენტურ უფლებას - იარონ ქუჩაში თავისუფლად, დაუცველობის შეგრძნების გარეშე", - ნათქვამია განცხადებაში, რომელიც ფეისბუქ გვერდზე ძალადობის წინააღმდეგ/Against Violence გავრცელდა.

ფოტოკამპანიის ავტორები მოუწოდებენ მათ, ვისაც სურვილი აქვს თანადგომა და მხარდაჭერა გამოუცხადონ ლგბტ თემს, შეუერთდნენ აქციას, დაიკავონ ქუჩები საკუთარ სახლებთან, სასწავლებლებთან, სამსახურებთან, ქალაქებსა და რაიონებში:

"საზოგადოებრივი სივრცე ყველას თანაბრად ეკუთვნის და არ შეიძლება ქუჩაში გამოსვლის და თავისუფლად გადაადგილების ფუნდამენტური უფლება რომელიმე ჯგუფის პრივილეგია იყოს".

ფოტო: ძალადობის წინააღმდეგ/Against Violence

ფოტო: ძალადობის წინააღმდეგ/Against Violence