ოკუპანტებმა დონეცკის ოლქის 3 ქალაქი დაბომბეს, დაიღუპა სულ მცირე 9 ადამიანი. ინფორმაციას ოლქის რეგიონული სამხედრო ადმინისტრაციის ხელმძღვანელი, პავლო კირილენკო ავრცელებს. მისი თქმით, დაზიანებულია 8 სახლი, არიან დაჭრილებიც.

"ოჩერეტინის თემიც დღეს მტრის ცეცხლის ქვეშაა. მსხვერპლებისა და ნგრევის შესახებ ინფორმაციას ვაზუსტებთ. სიფრთხილით ვაფიქსირებთ რუსეთის ყველა სამხედრო დანაშაულს ჩვენს მიწაზე", — წერს ის.