საქართველოს პროკურატურის ცნობით, თბილისის საქალაქო სასამართლომ დამნაშავედ სცნო მსჯავრდებულ გ. მ.-ს წამებაში ეჭვმიტანილი შვიდი პირი და მათ სასჯელის ზომად 10 წლით თავისუფლების აღკვეთა მიუსაჯა.

ბრალდების მტკიცებით, 2015 წლის 1 იანვარს, სასჯელაღსრულების დეპარტამენტის N17 დაწესებულებაში მოთავსებულმა მსჯავრდებულებმა ბ. გ.-მ, გ. გ.-მ, ლ. ტ.-მ, ს. ჯ.-მ, ლ. ლ.-მ, ლ. შ.-მ და თ. ე.-მ, ადმინისტრაციასთან შესაძლო თანამშრომლობის აღიარების და თანამშრომლობაში ჩართულ სხვა პირებზე ინფორმაციის მიღების მიზნით, აწამეს ამავე დაწესებულებაში მოთავსებული მსჯავრდებული გ. მ., რა დროსაც ამ უკანასკნელს მიაყენეს სხვადასხვა სახის ნაკვეთი ჭრილობები და თერმული დაზიანებები.

სასამართლომ გაითვალისწინა ბრალდების მხარის მიერ წარმოდგენილი ყველა მტკიცებულება და ბრალდებულები დამნაშავედ სცნო.