მარიუპოლის მერი, ვადიმ ბოიჩენკო აცხადებს, რომ რუსეთის არმიამ ორჯერ მეტი ადამიანი მოკლა მარიუპოლში, ვიდრე გერმანელმა ნაცისტებმა მეორე მსოფლიო ომის დროს ორი წლის განმავლობაში.

"ორ წელიწადში ნაცისტებმა მარიუპოლში 10 000 მშვიდობიანი მოქალაქე მოკლეს, ხოლო რუსმა ოკუპანტებმა ორ თვეში 20 000. 40 000-ზე მეტი ადამიანი იძულებით გააძევეს", — ქალაქის საკრებულოს ცნობით, განაცხადა მარიუპოლის მერმა, ვადიმ ბოიჩენკომ.

საკრებულოს თქმით, რუსეთმა იმდენივე ადამიანის დეპორტაცია მოახდინა მარიუპოლიდან, რამდენიც ჰიტლერის ჯარებმა ოკუპაციის წლებში. მერის თქმით, რაც ახლა ხდება, მშვიდობიანი მოსახლეობის ერთ-ერთი ყველაზე საშინელი გენოციდია თანამედროვე ისტორიაში.