შსს-ს ცნობით, ტრანსგენდერი ქალების ბინაზე თავდასხმის დროს სულ ოთხი პირი დააკავეს, მათ შორის ორი დაზარალებული ტრანსგენდერი ქალი, რომლებსაც წვრილმან ხულიგნობაში ადანაშაულებენ.

დაკავებულების სასამართლო სხდომა დღესაა ჩანიშნული.

შსს-ში აცხადებენ, რომ ბინაზე თავდასხმის საქმეს მუქარის მუხლით იძიებენ და დამატებით დეტალებს ჯერჯერობით არ ასაჯაროვებენ.

On.ge-სთან საუბრისას დაზარალებულმა ტრანსგენდერმა ქალმა თქვა, რომ გვიან ღამით, იგი თავის ოთხ მეგობართან ერთად იმყოფებოდა, როცა სამმა პირმა, ტრანსფობიურ ნიადაგზე ქვები დაუშინა მათ სახლს, შემდეგ კი კარის შემტვრევა სცადეს. მისივე თქმით, ადგილზე ათობით ადამიანი შეიკრიბა, მათი გასახლების მოთხოვნით.