ამერიკის შეერთებული შტატების პრეზიდენტი, დონალდ ტრამპი აცხადებს, რომ ის ჩრდილოეთ კორეის ლიდერს, კიმ ჩენ ინს, სწორ ვითარებაში შეხვდებოდა, რათა ჩრდილოეთ კორეის ბირთვულ პროგრამასთან დაკავშირებით დაძაბულობა განემუხტა.

"ჩემთვის მისაღები იქნებოდა მასთან შეხვედრა, ამას პატივად მივიღებდი. თუმცა, ეს უნდა მოხდეს სწორ ვითარებაში, ამას გავაკეთებდი" - თქვა ტრამპმა ბლუმბერგთან ინტერვიუში.

ტრამპის იდეამ კამათი გამოიწვია. აქამდე ამერიკის არცერთი პრეზიდენტი შეხვედრია ჩრდილოეთ კორეის ლიდერს.

თეთრი სახლის პრეს-მდივანმა მოგვიანებით განმარტა, რომ ამ ინიციატივის რეალურობისთვის ამერიკას ჩრდილოეთ კორეის მხრიდან ცვლილებების დანახვა სჭირდება.

თავის მხრივ, ჩრდილოეთ კორეა იმუქრება, რომ შესაძლოა ბირთვული იარაღი ნებისმიერ დროს გამოცადოს.