ლიბერთი ახალი სტრატეგიის ფარგლებში ბიზნეს მიმართულების განვითარებას და, მომხმარებლის გამოცდილების გაუმჯობესების მიზნით, ახალი ციფრული სერვისების დანერგვას აგრძელებს.

დღეიდან, ლიბერთის ანგარიშის გახსნა ბიზნესისთვის დისტანციურად, ბანკში ვიზიტის გარეშეც არის შესაძლებელი. ანგარიშის გახსნა ამ პლატფორმაზე შეგიძლიათ.

ბიზნეს ანგარიშის გახსნის პროცესი მარტივია — რეგისტრაციისთვის დაახლოებით 5 წუთია საჭირო და კომპანიისა და სასურველი საბანკო პროდუქტების შესახებ კითხვებზე პასუხის გაცემას მოიცავს.

რეგისტრაციის დასრულების შემდეგ, სრულად აქტიურდება შემდეგი სერვისები:

  • მიმდინარე ბიზნეს ანგარიში ეროვნულ ვალუტაში;
  • ბიზნეს ინტერნეტ ბანკი;
  • SMS სერვისი (არჩევის შემთხვევაში);
  • ბიზნეს ბარათი (არჩევის შემთხვევაში);

პროცესის დასრულებისთანავე, ბიზნეს ანგარიშის მართვა ნებისმიერი ადგილიდან არის შესაძლებელი.

"ახალი ლიბერთი თავისი მომხმარებლებისთვის ახალ ციფრულ შესაძლებლობებს ქმნის. ჩვენი მიზანია, სამომხმარებლო თუ ბიზნესის მიმართულებით ადამიანებისთვის საუკეთესო ციფრული გამოცდილება შევქმნათ. ლიბერთის ციფრული ბანკინგის გუნდის მთავარი ინსპირაცია ახალი პლატფორმის შექმნისას მომხმარებლების ბიზნეს მიზნების მიღწევის ხელშეწყობა იყო. მოხარული ვართ, რომ უკვე დღეიდან იურიდიული პირებისთვის ანგარიშის გახსნა და მართვა მარტივად, სრულად დისტანციურად არის შესაძლებელი", — განაცხადა ელენე ჩუბინიძემ, ლიბერთი ბანკის ციფრული ბანკინგის ბიზნეს განვითარების დეპარტამენტის უფროსმა.