მარველის სამყარო ჩვენს აღფრთოვანებას არ წყვეტს: დოქტორი სტრეინჯის ახალი ფილმის შემდეგ Thor: Love and Thunder-საც ვიხილავთ, რომელიც, თუ ტრეილერიდან ვიმსჯელებთ, უამრავ დასამახსოვრებელ მომენტს გვპირდება.

"უნდა გავიგო, ვინ ვარ", — ტრეილერში ვხედავთ კრის ჰემსვორტის თორს, რომელიც საკუთარი გზის ხელახლა აღმოჩენას ცდილობს. ფილმში მოქმედება Avengers: Endgame-ის სიუჟეტის შემდეგ გრძელდება. ფილმში ძველ საყვარელ სახეებთან ერთად, ალბათ, ყველაზე მნიშვნელოვანს — ნატალი პორტმანსაც ვხედავთ.

ტრეილერის ბოლოს ნატალი პორტმანის პერსონაჟს, ჯეინ ფოსტერს თორის ურო, მიოლნირი უჭირავს, რაც ფილმის ნახვის მოლოდინს კიდევ უფრო გვიმძაფრებს. აღსანიშნავია, რომ ნატალიმ მარველის სამყარო 2013 წელს Thor: The Dark World-ის შემდეგ დატოვა. როგორც ჩანს, ტაიკა ვაიტიტიმ მისი დარწმუნება მოახერხა!

ფილმში კრისისა და ნატალის გარდა ტესა ტომპსონს, რასელ ქროუს, კრის პრატს, კრისტიან ბეილის, თავად ტაიკა ვაიტიტისა და სხვებს ვიხილავთ.

Thor: Love and Thunder-ის პრემიერა მსოფლიოში 8 ივლისიდანაა დაგეგმილი.