ნემსიყლაპიებს ფეისბუქი არ აქვთ, ამიტომ ისინი მათზე განხორციელებული სექსუალური თავდასხმებისა და ტესტოსტერონით გაძეძგილი მამაკაცების შესახებ ისტორიებს ვერ გვიყვებიან. თუმცა, სამწუხაროდ, ის პრობლემები, რომლებიც ადამიანებს აქვთ, მათაც ხვდებათ ბუნებაში.

რა უნდა ქნას ნემსიყლაპიამ, თუ აბეზარი მამრი აეკიდება და უაზრო შეკითხვებს დაუსვამს ან ფრთებზე გაეხახუნება?

საქმე ისაა, რომ შვეიცარიის ალპებში მცხოვრები მწერი, როდესაც წყალთან ახლოს მიდის და კვერცხების დადებას იწყებს ხშირად ხდება აღგზნებული მამრების მსხვერპლი.

"gavicnod farfat?" - ამ შეკითხვას ადგილობრივი ნემსიყლაპიები ხშირად ისმენენ, უფრო ხშირად კი მამრები მათზე პირდაპირ შეტევას ახორციელებენ და აუპატიურებენ.

ჰოდა, ცხადია, ევოლუციამ თავისი ქნა და მდედრ მწერებს ჭკუა გამოუმუშავა (კაცებისგან განსხვავებით #ფემინიზმი). თავდასხმებისა და მოძალადე მამრების თავიდან მოსაცილებლად ისინი თავს იმკვდარუნებენ და როდესაც მამრი შორს გაფრინდება, კვერცხს დებენ და შორს მიფრინავენ, იქ სადაც თვითონ აირჩევენ სასურველ პარტნიორს და მშვიდად გააგრძელებენ შთამომავლობის გამრავლებას.