"ეს ომი არ არის, ეს ტერორიზმია" — თქვა პოლონეთის პრეზიდენტმა, ანდჟეი დუდამ კიევში ბალტიისპირეთის ქვეყნების პრეზიდენტებთან და უკრაინის პრეზიდენტთან ერთად გამართულ პრესკონფერენციაზე.

მისი განცხადებით, ისინი, ვინც დანაშაული ჩაიდინეს, უნდა დაისაჯონ და ეს უნდა გავრცელდეს მათზე, ვინც ბრძანება გასცა.

დღეს, 13 აპრილს პოლონეთის, ლიეტუვას, ლატვიისა და ესტონეთის პრეზიდენტები უკრაინაში ჩავიდნენ. მათ კიევის რეგიონი მოინახულეს და ოკუპანტების მიერ განადგურებულიი ქუჩები ნახეს.

ზელენსკიმ მათ მადლობა გადაუხადა და თქვა, რომ ისინი ნამდვილი მეგობრები არიან.

კიევში უკვე იმყოფებოდა ბრიტანეთის პრემიერმინისტრი, ავსტრიის კანცლერი, ევროკომისიის პრეზიდენტი, საგარეო საქმეთა და უსაფრთხოების პოლიტიკის სფეროში ევროკავშირის უმაღლესი წარმომადგენლი ჯოზეფ ბორელი, ევროპარლამენტის პრეზიდენტის, რობერტა მეცოლა და სხვა ლიდერები.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.