გერმანიის კანცლერმა, ოლაფ შოლცმა განაცხადა, რომ უკრაინის ქალაქ ბუჩაში მშვიდობიანი მოქალაქეების მკვლელობა ომის დანაშაულია და დამნაშავეებმა პასუხი უნდა აგონ.

"ეს არის ის, რასაც ვერ დავივიწყებთ. ჩვენ არ შეგვიძლია უგულებელვყოთ, რომ ეს არის დანაშაული. ეს ომის დანაშაულია, რომელსაც არ შევეგუებით. ვინც ეს ჩაიდინა, პასუხი უნდა აგოს", — ამბობს შოლცი.

გერმანიის კანცლერის თქმით, გერმანია გააგრძელებს უკრაინისთვის თავდაცვითი იარაღის მიწოდებას.

7 აპრილს ბუჩას მერმა, ანატოლი ფედორუკმა განაცხადა, რომ აღმოჩენილი გვამების რაოდენობა დღითიდღე იზრდება. მისი თქმით, ბუჩაში მოკლული მშვიდობიანი მოსახლეობის რიცხვი ბოლო მონაცმებით 320-ს შეადგენდა.